Buorre boahtem Sáme nuora prosjäktaj!
Sáme nuora la guovtejahkásasj gasskadajvak aktisasjbarggoprosjäkta sáme dávvervuorkáj ja sáme nuoraj gaskan, Vuona, Suoma ja Svieriga bielen Sáme. Sáme dávvervuorká ma aktan barggi li Ájtte, Duottar- ja Sámemusea, Jåhkåmåhkke, Sámemusea Siida, Anár, Várjjat Sámi Musea, Vuonnabahta, ja Saemien Sijte, Snåsa. Prosjevtan li sáme nuora ja sáme åhpadusá dát gålmåt rijkas.
Duohke
Gávnnu ilá binná mánáj ja nuoraj viessoma birra dávvervuorkáj dokumentasjåvnnåábnnasijn jali tjoahkkimijn. Älla ge oasálattja dávvervuorkáj dåjman ja dávvervuorká älla dajn virtuella sajijn gånnå nuora li. Prosjevta álggo lij åvdep guoradallamin ja diedádusán Rätten till delaktighet och inflytande för samiska barn och ungdomar, dåjmaduvvum mánáoahttses Svierigin, Suoman ja Vuonan. Mánáoahttse boados vuoset positijvalattjat nuora gejt iejvvijin li mihá ietjas kultuvra ja identitehta åvdås ja li jasska sáme sebrudagán. Ietjas duohke bájnná, dajna l sáme nuoraj identitähtta umasseláhkáj. Diedádusán dieddeluvvá giella ájnas oassen mij doarjju nanos identitehtav. Negatijvalasj bielle mav nuora tjielggiji la iehtjádij siegen vádne sáme åhpadimnävojs ja åhpadiddjijs sámegielan. Nuora gejt mánáoahttse iejvvijin dättodi sámegiella ij agev nuoraj iellemav åvdåsta diehtoságajn, åhpadimnävojn j.n.v. Dá presenteridum máhtalgisvuoda, goappásj positijvalasj ja negatijvalasj åsij, dahkin sáme dávvervuorká álggin prosjevtav hábmedit gånnå dättov biedji nuoraj ájádusájda ja vuojnojda ja gähttjalit ietjájdahttet ietjas dåjmav dan milta.
Prosjevta birra
Vijor la umasseláhkáj sáme nuoraj gaskan Vuonan, Svierigin ja Suoman –aj juohkka rijkan, sämmi bále la nuorajn dán gålmån rijkan ållo aktan. Ållo nuorajn la nanos identitähtta, iehtjáda e sámev buvte ja li bajássjaddam gånnå sámekultuvrra ij lim guovdátjin. Huoman la gájkajn sämmi hásstalus ietjas kulruvrragullumav vuosedit sebrudagán gånnå ieneplåhkokultuvrra l nanos.
Nuora bajássjaddi umasse sebrudagájn ja siján li umasse máhtalgisvuoda dan birra gåk la nuorran uddni årrot, valla sämmi bále la siján ållo aktan. Prosjevtan lånudalli nuora máhtalgisvuodajt ja oassálassti gå sáme kultuvrraárbev hábmedit. Prosjäkta ájggu gávnnat ådå vuogijt gåk dávvervuorká ja nuora, ja dávvervuorká ja åhpadusá máhtti aktan barggat. Prosjäkta vaddá máhttelisvuodav sáme nuorajda oassálasstet ássjijn ma sijájt guosski.
30-låhko nuora, nuortta-, julev- ja oarjjelijsáme guovlojs oassálassti prosjevtan. Nuora li bajássjaddam umasse sebrudagájn – muhtema båhti sisednama/ällosáme ja jávrresáme viessomis, ja muhtema viessu urbána sebrudagán.
Prosjevta oajvveulmme l lasedit nuoraj máhttelisvuodajt ja oasálasjvuodav hábmedittjat sáme kultuvrraárbev. Gåk la nuorra sábmen uddni årrot, daj gatjálvisáj birra sjaddá aktisasj barggo ja dokumentasjåvnnå. Dokumenteridum ábnas almoduvvá nåv gåk prosjäktaoassálasste mierredi - vuosádusáj, filmajn ja/jali webbabiele baktu. Prosjäkta sihtá aj nannit aktisasjbargov nuoraj gaskan Sámen ja hásat guokta aktisasj konferensa, gånnå nuora gávnadi ja lånudalli máhtalgisvuodajt ja aktan barggi. Prosjäkta álgij 2009 ja oassástalle nuora barggi prosjevtajn tjavtjan 2009 ja gidán 2010. Nuoraj barggo vuoseduvvá gidá/giese 2010.
Aktivitehta
Sáme nuora:
-
oassálassti guovten konferensan Sámen. Vuostasj konferänssa l gájkajda nuorajda lågådallamij, workshopaj ja aktisasj ságastallamij. Hiejtte konferänssa l gájkajda nuorajda gånnå prosjäkta vuoseduvvá.
- oassálassti bájkálasj rijkalasj gávnadimijn rijkalasj prosjäktabarggijn.
- oassálassti bájkálasj åhpadusájn, gånnå buojkulvis filmav ja duollimav åhpadi.
Sáme nuora:
- tjadádi dokumentasjåvnnåprosjevtav dan birra: ”Nuorran uddni”, viehkken la tjála, video, kámera j.n.v. Nuora dokumenteri ietjas viessomav temajn: Gåk la nuorran uddni? Nuora oadtju aj umasse temajt dávvervuorkájs maj máhtti barggat. Oadtju vuosedit åsijt sijá ábnnasis prosjevta webbabielen.